Nos

Bos días!! Hoxe ao teclado a terceira, e última, integrante deste blog enfocado no Courel e no segundo ciclo de Infantil. 

Son Noelia, son mestra de educación infantil, e como as miñas compañeiras, tamén me graduei na Universidade de Vigo, na facultade de Pontevedra. Ademais diso son Técnica en Educación Infantil e TASS.

Nesta entrada vouvos a contar un pouquiño de min para que poidamos crear unha relación máis cercana. Acompañádesme?

Son de A Estrada, unha vila situada a 20 minutos da capital de Galicia, Santiago de Compostela. Aínda que o certo é que os meus primeiros anos de vida paseinos en Suíza, na cidade de Lousanne. Creo que de aí venme o gusto polo inverno, o frío e a neve, xa que é unha cidade moi bonita pero na que é necesario abrigarse moi ben.

Outras das cousas polas que creo que me gusta tanto o frío é porque o relaciono co Nadal, e non hai festa que máis me guste ca esa. Sabedes por que? Porque creo que é unha época máxica na que pasamos tempo cos nosas familias e amizades, e tamén polos turróns que me gustan moito. Si, sonvos moi larpeira.

Ademais de gustarme o turrón, o frío e o Nadal disfruto moito paseando pola natureza co meu compañeiro peludo, Thor. Gústanos tanto que aproveitamos calquera momento para facer rutas polo monte e coñecer novos sitios.

A vós gústanvos os animais? E andar pola natureza?

Ademais de estas curiosidades sobre min, e xa que o medio de comunicación que imos a utilizar para relacionarnos con vós e este blog, creo que é bo que saibades como e cando comezou a miña relación coas Tic's (as Tecnoloxías da Información e Comunicación). Aínda que agora hai moitas e variadas, o meu primeiro contacto con elas foi cando me regalaron o meu primeiro móbil, e seguro que na vosa cabeza ese móbil tiña un montón de aplicacións ademais de internet.. pois todo o contrario. Cando eu comecei a ter móbil só servía para chamar e mandar mensaxes de texto, no tiña nin cámara!!! E non vos creades que fai tanto diso... O meu segundo contacto coas TICS debeuse a que necesitaba un ordenador para os traballos de clase, supoño que iso soaravos, e dende aquela somos inseparables, o malo é que aínda nos estamos coñecendo, e o bo é  que cada día descubro algo novo delas. 

Espero que esta publicación vos servira para coñecerme un pouco mellor.

Tedes un espazo abaixo para deixar os vosos comentarios e contarnos cousiñas, así nós tamén poderemos achegarnos un pouco máis a vós.

Vémonos pronto con moitas novas!!!

Unha aperta enorme.

Bos días, o meu nome é Elena Fernández Conde, e son mestra de Educación Infantil, gradueime na Universidade de Vigo, no campus de Pontevedra. Tamén son Técnica en Educación Infantil, monitora de tempo libre e Técnica en panadaría, pastelería e confeitería. 

Como xa vos comentou onte, a mestra Cris, imos facer un blog centrado no Cadea montañosa do Courel.

Pero antes de comezar, con ese tema, imos aprender un pouco máis de min.

Esta son eu:

Sempre levo coleta no alto da miña cabeciña, tamén poño zapatos deportivos, uns pantalóns e un suadoiro a maior parte das veces.  

Eu nacín en Vigo, na cidade máis poboada de Galicia, pero non é a máis grande en extensión. Vigo ten unha ría onde podemos atopar as Illas Cíes, unhas illas máis que fermosas, son patrimonio da humanidade. É unha cidade moi turística, en época de Nadal, Vigo está ata os topes de xente namorada das luces de toda a cidade e o bo ambiente que se respira.  

A todas horas gústame escoitar música, estar cos meus amigos e a familia. Recoñezo que as veces son un pouco tímida, pero noutras son moi extravertida, falo ata cas pedras. Tamén son tenaz, perseverante e moi imaxinativa.

No meu tempo libre, gústame ver series ou películas. Encántanme as series policiacas e de crimes, tamén as de renovacións de fogares, podería facer doces todo o día, fago unhas filloas, unhas mousse e unhas tartas para chuparse os dedos, tamén me gusta ver unha boa posta de sol.

O meu acercamento as TIC, comezaron dende pequena, cando na casa tíñamos televisores, a Play Station e un ordenador no que poder xogar algúns xogos de CD ou na rede. Tempo despois, con sete ou oito anos regaláronme un teléfono móbil co que poder chamar a miña nai e o meu pai, cando estaba na casa do outro, e tamén cando estaba en campamentos.  Despois tiven un ordenador portátil para compartir cos da casa, pero este xa tiña máis posibilidades de acceder a internet, ademais, veu a Nintendo Ds, outros teléfonos móbiles, así coma, unha tablet para casa. Hoxe en día temos TICs por todos os lados, é moi difícil non estar en contacto con elas, mentres eu escribo e ti estas lendo, ambos os dous estamos en contacto con elas. 

APERTAS PARA TODOS!!

Ola, o meu nome é Cristina Doval Maneiro e son mestra en Educación Infantil graduada pola Facultade de Ciencias da Educación e do Deporte, na Uvigo, no campus de Pontevedra.

Ademais son Educadora Infantil graduada no CIFP A Xunqueira, en Pontevedra; e Monitora de Tempo Libre, e xunta dúas profesoras máis, imos levar a cabo este blog centrado no Courel.

Neste post contareivos máis sobre min, sigamos investigando!

Para comezar, vivo nun pobo chamado Cambados, situado na provincia de Pontevedra, en Galicia; un pobo onde temos o privilexio de ter praias, natureza, sendeiros e un milleiro de cousas fermosas.

Quérovos contar que son unha persoa alegre, responsable, xenerosa e un pouco tímida, pero só nos primeiros días. Encántame a música e toco a pandeireta, a gaita e realizo baile tradicional na A. F. Valle Inclán, un grupo folclórico.

Son unha apaixonada do fútbol, gústame moito acudir aos estadios e ver os partidos, tanto femininos como masculinos. No meu tempo libre, gústame realizar doces, e se levan chocolate mellor, son moi larpeira!

Teño un canciño que se chama Eume e acompáñame sempre nos meus paseos polos sendeiros, onde observamos o río, as árbores,... un momento de relax e tranquilidade, onde podemos escoitar os paxariños cantar.

Relacionado cas TICs, a título persoal, penso que actualmente estáselle dando máis utilidade as tecnoloxías despois de sufrir está pandemia do COVID-19, xa que estamos a utilizar novas plataformas, dende as videochamadas para ver os familiares e amizades, ata para dar as clases on-line.

Referente a min, son unha persoa que está moi en contacto cas TICs, xa dende a ESO estívenme formando nelas. Os programas informáticos que máis utilizo son Word, PowerPoint, Canva, Movie Marker... As TICs están presentes no meu día a día, xa que creo moitos recursos, xogos e actividades para a cativada. Este ano ata realicei a miña propia axenda persoal!

Familias, nenos, nenas,...estade atentos que pronto descubriredes máis cousas!

Un biquiño😘

A profe Cris