Bos días nenos, nenas e familia.
As mestras de Infantil decidimos mostrarvos estes tres repositorios que atopamos na web.
Na páxina web, Educar en Igualdade, atoparedes un recurso que fala dunha Unidade didáctica sobre os Bolechas. Esta unidade ímola traballar conxuntamente, onde trataremos a coeducación, xa que vemos necesario traballar a igualdade e prevención da violencia de xénero dende a cativada para que sexa interiorizado como unha aprendizaxe vital.
Para este segundo recurso do repositorio Educa Guía, atopamos diversos materiais imprimibles, xogos dinámicos e fichas, onde traballaremos as distintas áreas do currículo.
Neste último repositorio de Agrega 2, atoparedes un recurso sobre o Outono, onde traballaremos o outono de forma grupal nas aulas e convosco, familias, para focalizar un achegamento á natureza .
Esperamos que vos gusten estes repositorios e os seus recursos.
Un saúdo
As mestras de Educación Infantil
