Bos días nenas, nenos e familias:
Como ben di o título hoxe traémosvos unhas propostas de actividades sobre as setas e fungos do Courel. Unha actividade que tivo moi boa acollida na aula e que nos dou para moito.
Para comezar queremos poñervos en situación, estas actividades teñen un traballo anterior en aula, manipulando distintas setas e fungos, buscando información sobre elas e experimentando.
Dito isto, imos a ensinarvos en que consistiron estas e en que nos baseamos para levalas a cabo.
Os obxectivos destas actividades son:
Recoñecer as distintas setas e fungos que traballamos en sesión anteriores.
Diferenciar as características visuais de cada seta e fungo.
Interiorizar conceptos de forma lúdica.
Participar de forma activa na actividade.
Estimular a concentración.
Agrupar as setas e fungos segundo distintos criterios
Os contidos destas actividades son:
Recoñecemento das distintas setas e fungos.
Diferenciación das características visuais das setas e fungos.
Participación nas actividades de forma activa
Estimulación da concentración
Agrupamento das setas e fungos segundo distintos criterios.
A metodoloxía das actividades presentadas a continuación están baseadas nas orientacións metodolóxicas do decreto 330/2009 onde o alumnado é o protagonista, respectando os seus ritmos individuais, a través de actividades globalizadas e con técnicas da gamificación, a partir dos aprendizaxes previos.
Esas actividades son as actividades que imos traballar na aula, pulsade nelas:
Nesta primeira actividade o alumnado, despois dunhas sesións de traballo acerca dos fungos e setas do Courel e as súas características, deben agrupar as setas e fungos en ‘comestibles’ e ‘non comestibles’.
Esta segunda actividade, consiste en relacionar as imaxes de fungos e setas, que traballamos en sesións anteriores, en tamaño aumentado, coas imaxes en escala real.
O terceiro día, o alumnado nesta actividade, deberá emparellar as diferentes setas que fomos traballando en días anteriores. Despois de realizar a actividade, observaremos as características e curiosidades que teñen para atraer máis a atención na cativada.
Para culminar esta parte do proxecto, decidimos crear esta actividade, onde os nenos e nenas montarán os crebacabezas das diferentes setas traballadas ao longo destes días. Unha vez montado cada un, comentaremos entre todos e todas as diferentes características e curiosidades das setas e fungos, traballadas anteriormente na aula.
As áreas que imos a traballar, é a área do coñecemento do entorno, no cal nos centraremos nos bloques do medio físico e aproximación á natureza, onde traballaremos os fungos e setas do Courel, as súas características e propiedades.
As competencias a traballar son o coñecemento e interacción co mundo físico pois comezan a interactuar coa contorna do Courel coñecendo e traballando os fungos e as setas e aprender a aprender pois a través desta actividade o alumnado colle conciencia das capacidades que ten para realizar por si mesmo as actividades e a lingüística xa que traballaremos actividades de forma oral.
Os recursos que empregaremos serán os seguintes:
Materiais: EDI (Encerado Dixital Interactivo), tablet ou ordenador.
Persoais: alumnado de 5 anos, corpo docente.
Espaciais: aula.
A temporalización durará 60 minutos tendo en conta a introdución á actividade, asemblea e dúbidas que poidan xurdir no momento da realización das actividades, tendo sempre en conta que o conxunto de actividades levarase a cabo nun período de 15 días.
Segundo se recolle no Decreto 330/2009 do 4 de xuño, avaliaranse os coñecementos adquiridos do alumnado nestas actividades, e a nosa práctica educativa, para futuras melloras, a través da observación directa e sistemática, que realizaremos na asemblea final e a través do diario de aula.
Para esta avaliación teremos en conta os seguintes criterios de avaliación:
Recoñece as distintas setas e fungos
Diferencia as características visuais de cada seta e fungo.
Interioriza conceptos de forma lúdica.
Participa de forma activa na actividade.
Estimula a concentración.
Agrupa as setas e fungos segundo distintos criterios